這兩個月實在太多事可以感恩,太多安排是我不能單靠自己能力就可以完成的
買樓的事終於有定案
籌備多月的轉工計劃終於實記,終於做到期望的位置
小豆你也快有一個小朋友陪你玩了
實在太多事可以感恩~~我相信只要耐心等待,美好的事始終會來到的
幾年前荷里活有套片叫"perfect storm驚濤駭浪",佐治古里為生計帶住成班人出海捉魚，點知遇上超級颱風同冷鋒形成強烈ｏ既風暴潮，結果成班人葬身大海．．．
話說美國東岸對開大西洋有廣大海面，加上美國東岸前方及墨西哥灣都沒有大型海島做天然屏障，以致每次一打風都好似世界大戰一樣，ｄ颱風講緊係平均風力時速可以係２００幾公里，差唔多係香港所打颱風ｏ既風力一倍．小弟有個親友住路易斯安娜，舊年８月２９日ｏ既卡特里娜就令佢屋企完全被毀，後來佢映ｏ左ｄ屋企附近ｏ既災情相俾我睇，情形真係同南亞海嘯無乜分別，有張相映到有架車沖ｏ左上一間平房ｏ既二樓露台，另外又有一ｄ遊艇被海水沖ｏ左入大馬路．．可想而知ｄ風暴ｏ既威力ｏ係幾大．．．
講番香港，位處西太平洋，由於南海沿岸海面細，又有菲律賓，台灣呢ｄ咁大ｏ既”防波堤”，所以打颱風都俾佢ｏ地擋晒，都無乜地理條件打ｄ好似大西洋咁大ｏ既颱風～～
今次又打風，仲要有一次過有３個好完整ｏ既颱風系統．．．相信都係絕無僅有．．ｏ係一個咁細ｏ既西太平洋海面有３個風．．．呢個地球都真係開始快到盡頭喇～～～
唔知呀方志剛台長，對於今次３個風有咩高見．．．
世界杯就這樣結束了~~亦是球壇黑暗日子的開始!
這樣的一場決賽是令人提不起勁的比賽~~~結局是如此悶人
我沒有埋怨施丹,他是球王, 永遠也是~~我相信決賽場上幾萬人也是這樣想
馬達拉斯這些下三流的球員究竟說了甚麼話,令施丹怒火狂升~~可能好快會有答案, 或者也隨著施丹告別永遠沒有答案~~~但有人心知肚明.....
如果一個世界冠軍的球隊是充滿打假波~~飛剷人~~撩事鬥非~~扮跌詐傷球員的球隊, 這是足球壇的悲哀
"所以這樣的比賽, 是如此令人提不起勁! 意大利差勁極了...不論球技與球品"~~~~~這不是出自我口說的, 而竟是出自我office裡一班意大利球迷的口中~~~
施丹你是永遠的, 錯不在你, 錯在你遇上下三流的對手!
不知道各位有沒有這個習慣, 閒來會將手機phone book上很久沒聯絡的朋友逐個打電話, 我耐不耐也會這樣做, 一來很想問候一些朋友, 二來想check check電話還否打得通
前晚一個人在茶餐廳食飯, 食完見仲有時間, 於是就開始phone book逐個call, call了第一個好難找到的朋友, 因為佢時常公幹出遠門, 接通電話就好似中六合彩一樣. 電話通了, 於是想約這個朋友聚聚, 但他卻給我一個壞消息, 他爸爸中風令腦出血, 現在在深切治療部~~~聽到心都實, 於是安慰對方一番, 講了很長的電話....
對話完畢再看phone book打一個, 一個舊女同學, 現在做少奶奶, 電話一通, 背後就是小孩子叫嚷聲, 她高興告訴我現在有了第2胎, 十月就生得~~~~聽到也為她高興, 於是又講一番生仔經, 講了很長的電話.....
找完一個打來下個, 今次是一個舊女同事, 電話一通對方就是一把渴望的聲音, 跟住就係一串嘆息聲, 原來她早幾星期與男友分手了, 分手情節有點象"獨家試愛", 查看男友手機見到不明女子o既mesg, 得知對方主動追求.......之後不需多講, 男朋友亦是我的舊同事, 大家一起工作, 我還鼓勵女的與他交往, 男的是個沉默的人, 但吸引不少女生, 為人不錯; 女的追求者眾, 但以往受過重創, 結識現在的男友才開懷過來....但得知這個分手消息, 令我相當不安; 幸好女的情緒還控制得住, 於是連忙安慰, 看來要好好輔導一番~~~
一個phone book載著無數電話, 一晚之中, 電話的一方各懷心事, 各有悲喜; 多少人, 其實等著你的慰問
